కమనీయగాత్రా కరుణాసముద్రా
మము బ్రోవ రారా మారామచంద్రా
ఇనవంశతిలక వనజాక్ష రామ
నిను దక్క నిత‌రులను నమ్మ కేను
మనసార నమ్మి నిను కోరి చేరి
వినుతించు చుంటినని తెలియవయ్య
కరుణించ వయ్య కమలాయతాక్ష
వరభక్తపక్ష పరమాత్మ రామ
హరి నీకుసాటి మరి యెవ్వ రయ్యా
నరనాధ దయతో నన్నేలుకోరా
సురవై‌రి నాశ హరి పాపనాశ
మరుజన్మ లేని వర మీయ వయ్య
మరి యేమి నిన్ను కరుణించ మనను
హరవినుత నామ యది చాలు నాకు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.