30, మే 2020, శనివారం
నీమాట కెదురేది నీరజాక్షుడా
నీమాట కెదురేది నీరజాక్షుడా నీ
వే మందు వది ధర్మవివరణము
మృగమవు రాజులము మేము నిన్ను వేటాడ
తగదే చెట్టు వెనుక దాగియుండగ
జగమున ధర్మేతరు జంపరే రాజులు
తగునని వాలిని దండించిన రామ
బ్రతుకెల్ల ధర్మమును భంగపుచ్చి పాండవుల
కతిద్రోహివై ధర్మ మడుగుదువు భీము
ప్రతినయు మునిశాప వాక్యము నిటుదీరె
ధృతరాష్ట్రసుత యను కృష్ణావతార
అంచితమగు ధర్మ మది నీస్వరూపము
కొంచెపు బుధ్ధివా రెంచగ లేనిది
మంచిచెడుల గూర్చి మాకేమి యెఱుక మే
మెంచుదుము నిన్ను సేవించుభాగ్యము
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.