రాముడ దయజూడ రావేలరా

రాముడ దయజూడ రావేలర పరం

రాముడ నీవింత తడయగ నేలర



వేడిన వారిని విడువ వట నీ

నీడను జేరిన నిర్భాగ్యులకను

వీడును చింతలు వేదన లందురు

వేడెడు వీడిని విడిచెదవా



కడుసూటి మాటల ఘనుడవు నీవు

వడిగల బాణాల వాడవు నీవు

ఉడుతను జేరదీయుదువే నీవు

విడచెదవా నను విడచెదవా




దారుణదనుజ విదారణశీల

నీరజనయన యనేకుల భక్తుల

కూరిమి బ్రోచిన కారుణ్యాలయ

వీరరాఘవ నను విడచెదవా