హరినామము లనంతము లందు రామనామము
వరగుణోపేతమై వరలునామము
చాల సుందరమైన స్వామి దివ్యనామము
వేలకొలది నామములను మేలైన నామము
భూలోకమున చాల పొగడబడు నామము
చాలు నీ నామమే సర్వజనులకు
రామ రామ రామ యను రామనామ గానమే
ప్రేమతోడ చేసినచో వేల నామంబులను
నీమ మొప్ప జేసి నటుల నారాయణు డెంచును
కామారియె చెప్పెను గౌరి కిట్లు
రామనామ మెన్నడును ప్రజలార మరువకుడు
రామనామమే మోక్ష సామ్రాజ్య మీయగా
భూమి జనుల కితర మంత్రములను తలపనేల
ప్రేమతో చేయరే రామనామము