శివలింగముపై చీమలుపాకిన

శివలింగముపై చీమలుపాకిన

శివు డేమైనా చిన్నబోవునా



అకటావికటపు టల్లరి మనుషులు

వికవిక లాడుచు వెన్నుని దిట్టిన

సకలజగత్పతి కొక లో టగునా

వెకిలిమూక దుర్విధి పాలగునా



కనులు మూసికొని కాలము లేదని

గొణిగిన లాభము కొంచము గలదా

మనసు మూసికొని మరి హరి లేడని

ఘనముగ తిట్టిన కార్యము కలదా



చింతపండు నొక డెంత పిసికినా

ఎంతగ పులుపెక్కేనో యొక నది

రంతుగ మూర్ఖులు రాముని తిట్టిన

నంతే ఫలితం బది వా రెఱుగరు