హరిహరి గోవింద యనలేని నాలుక

హరిహరి గోవింద యనలేని నాలుక

నరునకు కేవల నరకహేతువు



ఉరక నబధ్ధము లుత్పాదించుచు

పరమోత్సాహము బడసెడు నాలుక

హరినామపు రుచి నెఱుగని నాలుక

నరున కెందుకు నారాయణా



కూరలు నారలు కోరిక తీరగ

నూరక మేయుచు నుండెడు నాలుక

శ్రీరామ నామము చేయని నాలుక

పారవంటిదే నారాయణా



నిలుకడలేని పలుకుల నాలుక

కలహములకు దిగు కపటపు నాలుక

పలుచని నాలుక పాపపు నాలుక

పిలుచు టెపుడు గోవిందా యనుచు