22, మే 2020, శుక్రవారం
రాజీవలోచన శ్రీరామ భవమోచన
రాజీవలోచన శ్రీరామ భవమోచన
ఈ జీవితము నీదే యీశ రఘునందన
కామాది రిపులచే నే కడు నొచ్చియుంటిరా
తామసులగు వీరి తరుమలే కుంటిరా
యేమి యుపాయమును నే నెఱుగలే కుంటిరా
నీ మహిమ జూపర నీవే శరణంటిర
మోసపుచ్చెడు తనువుల మొదటినుండి దూరుచు
వేసగాని వోలె నేను పెక్కుమా ర్లాడితినిరా
వేసరితిరా దేవుడా నీ దాసుడనురా ఏలరా
దాసపోషక నీవు నాపై దయచూప వలయురా
కడకు వచ్చుచుండెరా యీ కాయమున సత్త్వము
పడిన పాట్లు చాలురా నా బాధలుడుగ జేయరా
బడలుచున్న నాలుక నిను నుడువుచున్నది చూడరా
వడివడిగ నీవు నేడు వచ్చి నన్నేలరా