హరి లేడను వారు హరి యెవ్వడను వారు

హరి లేడను వారు హరి యెవ్వడను వారు

హరితోడ పని యేమను వారు



క్రొత్తగ నేడే కువలయమున మొల

కెత్తినటుల చింతించుట దేనికి

ఎత్తి నరాకృతి యీశ్వర ధికృతి

మత్తిలి యుండెడి మనుజులు పెక్కురు



రాముని గూర్చి రవ్వాడుదు రే

రాముడు హరియని లక్షించెదరా

రాముని విడిచి కాముని కొలిచుచు

భూమికి బరువుగా పురుషాధములు



పరమన కలదను భావన నెరుగని

నరులు తలతురా నారాయణుని

మరి వారలకును తరణోపాయము

హరి నీదయచే నమరెడు గాక