శ్రీకరమై శుభకరమై చెలగు దివ్యనామము

శ్రీకరమై శుభకరమై చెలగు దివ్యనామము

శ్రీకాంతుని నామము శ్రీరామనామము


ఇల మీద సుజను లుపాసించు నట్టి నామము

తలచిన వారలకు సిరులు దయచేయు నామము

కొలిచిన వారలకు శుభము గూర్చునట్టి నామము

పలికినంతనే భయము పారద్రోలు నామము



ఇందిరా రమణుని అందమైన నామము

అందరి నామముల వంటిదా రామ నామము

అందరాని ముక్తి ఫలము నందించు నామము

నందివాహనుని నోట నానునట్టి నామము



హరుడు వారణాసిలోన నందించు నామము

నరజన్మము సార్ధకముక నడపునట్టి నామము

పరమయోగిసేవితమై వరలునట్టి నామము

మరలమరల పుట్టకుండ మనుపునట్టి నామము