వీడేమి దేవుడయా వినడు మామొఱలని

వీడేమి దేవుడయా వినడు మామొఱలని

నేడో రేపో భక్తులే నిన్ను తిట్టేరు



జనులు మోసపోయి దుర్జనుల కథికారమిచ్చి

మునుగుచున్నారని మొత్తుకున్న వినవు

జనుల నమాయకుల రక్షణ లేనివారిని

కనని వినని దేవుడవని కసరేరు కారా



దొంగగురువులా యటు దొంగభక్తులా యిటు

దొంగదైవములు గూడ తోచుచున్న వేళ

సంగతి నెఱుగలేని జనుల రక్షణ మాని

సింగారించుకొని గుడుల చేరి యున్నావు



ముక్తి మా టటులుండ భూమిజా రమణ

భుక్తికే కష్టపడుచు పొగులుచున్నట్టి

భక్తుల తిలకించి పలుకక యుండేవు

శక్తిహీనులను బ్రోవ సరగున రావేని