మోక్ష మేలరాదు నీకు మోదముతో

మోక్ష మేలరాదు నీకు మోదముతో రాముని
సాక్షాత్తు శ్రీహరిని చక్కగ సేవించిన

హరిని కొలుచు వానికే యబ్బనిచో మోక్షము
మరి యొకరిని కొలుచువాని మాట యేమి
హరి చేసిన విశ్వమున హరియె మోక్ష ప్రదుండై
వరలు గాక యన్యదైవతములతో పనియేమి

జీవులను కట్టుమాయ శ్రీహరిదై యుండగ
జీవుల విడిపించు నొడుపు శ్రీహరి కాక
జీవుల నెవరెరుగుదురు శ్రీహరియే చేసిన
దేవత లందైన నెవరు తెలియగా వశము

హరినామసాహస్రి యందు రామనామము
పరమోత్కృష్ట మనుచు పరమేశ్వరుడు
హరియె తా నైన వా డాన తిచ్చిన మాట
మరువ నేమిటికి నరుడ మానస మందు