29, మార్చి 2019, శుక్రవారం
అసమాన మైనది యతిమధురమైనది
అసమాన మైనది యతిమధురమైనది
రసనకు హితవైనది రామనామము
పసితనము నుండి నా భావనలో నిలచినది
వసుధ కడు సేవ్యమై వరలు నామము
కసిగ భవవిషలతల ఖండించే నామము
అసలైన సంపదగ నలరు నామము
నరసురసిధ్ధసాధ్యగరుడోరగయక్షకి
న్నరగంధర్వవిద్యాధరులు కొల్చునామము
పరమయోగీంద్రులు భావించు నామము
నిరుపమమౌ నిధియన నెగడు నామము
బహుభవములుగ నేను భావించు నామము
అహరహము కష్టముల నడ్డు నామము
దహరాకాశంబున తళుకొత్తు నామము
మహితమౌ ముక్తి నిడు మంచి నామము
