29, మార్చి 2019, శుక్రవారం
తెలిసికొంటి రాముడే దేవుడనే సత్యమును
తెలిసికొంటి రాముడే దేవుడనే సత్యమును
తెలియజేయు చుంటి నదే తెల్లముగాను
జనులార విష్ణుదేవు డనువా డొక్కండు కలడు
మునులు దేవతల కన్న మొదటి వాడగు వాడు
తనలో నొక యంశయై తనరారు నీసృష్టి
వినుడు వాడె రాముడై వెలసె పుడమిపై నని
చనుదెంచి యింద్రుడు స్వామి యీ రావణుని
యని నెదిరించ రాని దాయ రక్షించు మన
నినకుల మందు నేను జనియింతు నవనిపై
నని పలికి దిగివచ్చిన యా వెన్ను డాతడని
జనులార రాముడే సర్వేశుడు హరి యని
జనులార రాముడే సకలార్థప్రదుం డని
మనసార నమ్మరే మనకు వాడే దిక్కు
విను డాతని నమ్మిన పిదప జన్మము లేదు
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.