27, మార్చి 2019, బుధవారం

ఇందిరారమణ గోవింద సదానంద


ఇందిరారమణ గోవింద సదానంద ముని
బృందవంద్యపాదారవింద రక్షమాం

శ్రీమదయోధ్యాపురీ సింహాసనస్థిత
శ్యామలాంగ కోమలాంగ శౌరి రక్షమాం
రామచంద్ర రాఘవేంద్ర రాజీవలోచన
భూమిజాసమేత సర్వవినుత రక్షమాం

కామితార్థదాయక కళ్యాణకారక
భూమిజామనోహర రామ రక్షమాం
ప్రేమామృతదివ్యసుధావృష్టి సంతర్పిత
సౌమనస్విలోక రామచంద్ర రక్షమాం

భండనోద్దండ రామ చండకోదండధర
ఖండితాసురేంద్రభుజాగర్వ రక్షమాం
పుండరీకాక్ష భక్తపోషక సర్వేశ భూ
మండలాధినాథ రక్షమాం రక్షమాం

కామెంట్‌లు లేవు:

కామెంట్‌ను పోస్ట్ చేయండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.