28, మార్చి 2019, గురువారం
రావయ్య సంజీవరాయడా పెద్దన్నా
రావయ్య సంజీవరాయడా పెద్దన్నా
నీవు ముందుండి భజన నిర్వహింపగా
భూమిపైన తొట్టతొలి రామదాసుడవు నీవు
రామదాసాగ్రణివై రాణకెక్కి
రామభక్తిప్రచారము ప్రేమతో చేయుచున్న
ఓ మహానుభావ మమ్ముధ్ధరించగను
కామక్రోధాదిభూత గణము నిదే వెడలించి
రామభజన చేయించ రాగదయ్య
ప్రేమ గల పెద్దన్నవు రామభక్తులకు నీవు
మామనవి విని మమ్ము సామీరి నడపవే
పావనాతిపావనమై పరగు రామనామము
పావని మాచేత నీవు పలికించగ
భావనాతీత రామబ్రహ్మోపాసనమును
నీ వలన మేమిపుడు నేర్చి తరించెదము
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.