21, మార్చి 2019, గురువారం

రాముడా వందిత సుత్రాముడా జయము జయము


రాముడా వందిత సుత్రాముడా జయము జయము
స్వామీ నీ దయామృతము చాలును మాకు

మూడు లోకములను పుట్టించి పోషించి
వేడుకతో కాపాడు విభుడవు నీవు
పాడుదుము నీకీర్తి పరిపరి విధంబుల
వేడుకతో నీగాథల వేయినోళ్ళ పొగడుచు

జీవు లందరను నీవు సృజియించు చున్నావు
ఏవేళ నైన వారి కేడుగడవు
నీ వేడుక కొరకు వారు నిత్య మిచట క్రీడింప
నీవే తగు సమయమున నినుజేర నిచ్చెదవు

హరివి విశ్వాత్మకుడవు నడపదడప మాపైన
కరుణతో నాటలోన కనవత్తువు
నరులకు నీరాకలే నడవడికలు నేర్పు
తరచు నీనామమే మరలించు జీవులను






వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.