రమణీమణులార రాముని సద్గుణము

రమణీమణులార రాముని సద్గుణము
కమనీయముగ పాడ గలరు కాదె

అడవులకు వెడలనంపు నట్టి సవతితల్లిపై
కడుభక్తి చూపునట్టి కొడు కొక డున్నే
యిడిగో యీ కోసలేంద్రు డీత డొక్కడు కాక
పుడమిపై ముక్కాలములను పొలతులార

అవగుణములవా డొక్క డాలి నెత్తుక పోవ
మివుల కోపమును చెంది మీదికి దండెత్తి
అవసరపడి మార్కొని యయ్యో డస్సినా వని
వివశుడైన శాత్రవుని విడచెనట సతులార

వైకుంఠరాయడై వెలుగుచు నుండువాడు
లోకోపకార  మెడద లోన చాల దలచి
చీకాకుల నోర్చెనట రాకాసుల నణగించి
శ్రీకరుడై లోకమున చెలగెనట చెలులార