హరినామజపమున నగుగాక శుభమని పరికించి రాముని భజియించు ఘనుడు | ||
భవదోషముల నెల్ల పడద్రోయ హరినామ మవలంబనం బనుచు నాత్మలో దలచి భువి నందరను గాచి ముక్తినిచ్చెడు దాని నవిరళంబుగ జేయు నతడెపో ఘనుడు | హరి | |
ధవళాయతాక్షుడు ధర్మావతారుడు వవనాత్మజాసేవ్యపాదరాజీవుడు రవికులోత్తముడు శ్రీరాముడే హరియని యెవడు సేవించునో యెంచవాడే ఘనుడు | హరి | |
రాతి నచ్చెరువుగను నాతిగా జేసిన కోతికే బ్రహ్మగా గొప్ప నందించిన ప్రీతితో విభీషణు విభునిగా జేసిన సీతామనోహరుని చేరువాడే ఘనుడు | హరి |
9, నవంబర్ 2016, బుధవారం
హరినామ జపమున
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
ముఖ్య గమనిక రామానుగ్రహంతో యీ రామకీర్తనతో ఇప్పటికి 200ల కీర్తనలు సంపన్నం కావటం జరిగింది. (సెప్టెంబరు 9న 100వ రామకీర్తన వెలువడింది. ఈ 200వ రామకీర్తన నవంబరు 9న వెలువడింది.)
రిప్లయితొలగించండిరెండు వందల రామకీర్తనలు పూర్తి చేసిన మీకు శుభాభినందనలు!
రిప్లయితొలగించండిధన్యవాదాలు లలిత గారూ.
తొలగించండి