5, నవంబర్ 2016, శనివారం

హరి యనవే హరి యనవే


హరి యనవే హరి యనవే
హరికృప చాలని యనవే యనవే

సకలదేవగణ సకలమౌనిగణ
నికరము తనయెడ నిరుపమభక్తిని
ప్రకటించగ శ్రీరాముడైన హరి
యొకడే చాలని మనసా
హరి

హరిని రాముడని యరసి వేడుకను
పరమభక్తి గొని పరిపరి విధముల
నిరుపమానశుభనిశ్చయ గరిమను
విరిసి కొలుచుచు మనసా
హరి

శరణు వేడితే కరుణ బ్రోచు నని
సురనరవిహగాసురవర్గములు
కరము పొగడు నా ఘనుని రాముని
హరియని తెలిసిన మనసా
హరి


2 కామెంట్‌లు:

  1. మొదట "సురనరవిహగ-వానర" వర్గములేమో అనిపించిందండి - మళ్లీ విభీషణుడు గుర్తుకొచ్చి "అసుర" వర్గమూ సరిపోయినట్టనిపించింది :)

    రిప్లయితొలగించండి
    రిప్లయిలు
    1. లలిత గారూ, చక్కగా అర్థంచేసుకున్నారు. ధన్యవాదాలు.

      తొలగించండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.