దేహము వేరని దేహి వేరని తెల్లంబుగను తెలియుడయా
దేహికి భ్రమలు తొలగు సంగతులు తెల్లంబుగను తెలియుడయా
దేహంబునకే శీతోష్ణంబులు దేహికి లేవని తెలియుడయా
దేహంబునకే రాగద్వేషములు దేహికి లేవని తెలియుడయా
దేహంబునకే యభిమానంబులు దేహికి లేవని తెలియుడయాదేహంబునకే బాంధవ్యంబులు దేహికి లేవని తెలియుడయా
దేహంబునకే సుఖదుఃఖంబులు దేహికి లేవని తెలియుడయా
దేహంబునకే జననమరణములు దేహికి లేవని తెలియుడయా
దేహంబునకే పరిణామంబులు దేహికి లేవని తెలియుడయా
దేహము బుద్బుదప్రాయము కాని దేహి నిత్యుడని తెలియుడయా
దేహముపై నభిమానము వీడక దేహికి మోక్షము కలుగదయా
ఆహా శ్ర్రీరఘురాముని దయచే దేహముపై భ్రమ తొలగునయా
దేహము తానను భ్రమతొలగినచో దేహికి పుట్టువు లుడుగునయా
శ్రీహరి యుండెడు వైకుంఠంబును దేహి యప్పుడు చేరునయా
