జగదీశ్వరుడగు శ్రీరఘురాముని చరణయుగళముల శరణము జొచ్చిన
తగినవిధంబుగ రక్షణ కలుగును తన యాపదలు నివారితమై చను
రాముని క్రోధము బ్రహ్మాస్త్రంబై రాగా జగములు తిరిగిన కాకము
రామపాదముల శరణమువేడెను ప్రాణరక్షగొని సంతోషించెను
అగ్రజుఢాకకు గడగడవణకుచు హరిపాదంబుల నాశ్రయించిన
సుగ్రీవుడు కపిరాజుగ నంతట శోభిల్లుట మీరెఱిగినదే కద
అన్నకు నీతులు చెప్పుట తప్పై ఆవిభీషణుడు శరణము వేడుచు
తిన్నగ రాముని పాదము లంటెను తేజరిల్లె మరి లంకాధిపుడై
ఆపదలన్నియు తొలగించున వీ హరిపాదములని యంద రెఱుగుడు
పాపులు పుణ్యచరిత్రులు నందరు శ్రీపతిపాదము లంటి తరించుడు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.