దేవుడు శ్రీరాముడై దిగివచ్చెను

దేవుడు శ్రీరాముడై దిగివచ్చెను వాడు

రావణుని మదమణచి రాణకెక్కెను

నరుల వానరుల విడచి వరమడిగి బ్రహ్మను

మరి తన కెదురేమి లేక మదమున వాడు

సురలను వేధించుచుండ శోకించుచు వారు

హరిని చేరి దుఃఖించుచు నడిగిరి రక్ష

దేవతల మొఱలువిని దిగివచ్చెను శ్రీసరి

భూలయమున నరుడై మొలచి మెఱసెను

శ్రీవీదేహసుత నపహరించిన రావణునిపై

ఠీవిగ విల్లెత్తి నిలచి లావు జూపెను

పదునొకండు వేలేండ్లు భగవంతుడు రాముడై

పదిలముగా నయోధ్యా ప్రజలను కాచి

విదితముగా వారినెల్ల వెంటబెట్టు కొని నిజ

సదనంబును చేరుకొనెను శాశ్వతయశుడు