చేయండీ జనులారా మీరు శ్రీరఘురాముని నామము

చేయండీ జనులారా మీరు శ్రీరఘురాముని నామము

తీయతీయని చక్కనినామము దివ్యమైన శుభనామము

శ్రీరఘురాముని పావననామము చేతోమోదము గూర్చును

శ్రీరఘురాముని పావననామము మారజ్వరము తొలగించును

శ్రీరఘురాముని పావననామము చిత్తశాంతి కలిగించును

శ్రీరఘురాముని పావననామము శీలవంతులుగ జేయును

 

శ్రీరఘురాముని పావననామము ధీరులుగా నొనరించును

శ్రీరఘురాముని పావననామము శూరత పెంపొందించును

శ్రీరఘురాముని పావననామము జీవితములు సరిదిద్దును

శ్రీరఘురాముని పావననామము చింతలన్నిటిని తీర్చును
 

శ్రీరఘురాముని పావననామము శీఘ్రమె శోకము బాపును
శ్రీరఘురాముని పావననామము కోరిన వరముల నిచ్చును
శ్రీరఘురాముని పావననామము చేర్చును రామపదమునకు

శ్రీరఘురాముని పావననామము చేసెడి వారలు ధన్యులు