రామనామము నీ నాలుకపై రంజిల్లగ వలెరా

రామనామము నీ నాలుకపై రంజిల్లగ వలెరా

రామని ధ్యానములో నీ మనసు రాజిల్లగ వలెరా

మరువక బుధ్ధిని రామసేవలో మసలజేయ వలెరా

కరములు రాముని కైంకర్యంబున పరవశించ వలెరా

చరణంబులును రామకార్యముల చరియింపగ వలెరా

శిరమును రాముని పాదంబులపై చేర్చి మ్రొక్క వలెరా

రాముని రమ్యగుణంబులు తలచుచు రక్తి పొందవలెరా

రాముని దివ్యచరిత్రము పాడుచు రక్తి పొందవలెరా

రాముని పూజలు నిత్యము చేయుచు రక్తి పొందవలెరా

రాముని కాత్మసమర్పణ చేయుచు రక్తి పొందవలెరా

రాముని భక్తుల మధ్యన మసలుచు రాణించగ వలెరా

రాముని కీర్తన లెప్పడు పాడుచు రాణించగ వలెరా

రాముని కీర్తిని చాటుచు జగతిని రాణించగ వలెరా

రాముని ప్రేమను పొందుచు నపవర్గమును పొందవలెరా