పనిగొని నిన్ను నేను భావించున దేమున్నది
వినవయ్య నీతలపు విడచి యుందునా
నీ నామకీర్తనమే నీ గుణ వర్ణనమే
నీ నిర్మలాకృయే నిత్యము నాకు
ధ్యానమందుండునే దాశరథీ నేడు
దేనికని యీప్రశ్న దేవదేవా
అన్ని యవస్థలలోను నన్నితావుల యందు
నన్ని వేళలయందు నాత్మలోపల
సన్నుతాంగ నిన్నే క్షణమెడబాయక
యెన్ని కీర్తించుట నెఱుగ వొక్కో
భావనాతీత నిను భావించు వాడనని
భావించి మురియునా వ్యవహారము
నీవు నవ్వుతాలుగా నేడు ప్రశ్నింతువో
భావజజనక రామ వందనాలు
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలు ప్రచురితం అవుతాయి.