ఏమియు నెఱుగ నీ నామ మొకటి దక్క
రామా నినే నమ్మితి రక్షించర
కామాది రిపులపై కత్తి దూయు విధము
భూమిని జపతపములు చేయువిధము
పామరత్వమును వదలిపెట్టువిధము
ఏమని చెప్పుదు నించుక యెఱుగను
భాగవతుల జేరి బాగుపడెడు విధము
బాగొప్ప నీపూజ పచరించెడు విధము
నీగొప్ప లోకాన నినదించెడు విధము
నాగేంద్రశయాన నాకెఱుక కావు
వేదముల నెఱుగ విజ్ఞాన మెఱుగను
వాదముల గెల్చు పధ్ధతు లెఱుగను
నీదు మహిమ చాటు నేఱుపు నెఱుగను
నీదయ కొఱకని నేను వేడుదును
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.