8, ఏప్రిల్ 2021, గురువారం

హాయి రామభక్తి మాకు తాయిలా లెందుకు

హాయి రామభక్తి మాకు తాయిలా లెందుకని

మాయలకు లొంగరు మహిని రామభక్తులు 


తాయిలాలిచ్చి ఓట్లు దండుకోగల రేమో

తాయిలాలిచ్చి పదవి దండుకో గలరేమో

తాయిలాలిచ్చి హరి దాసులను  కొనలేరు

హాయి రామభక్తి యని హరిదాసు లుందురు


తాయిలాలిచ్చి తప్పులు దాచిపెట్ట గలరేమో

తాయిలాలిచ్చి సతుల మాయచేయగల  రేమో

తాయిలాలిచ్చి హరి దయను మీరు  కొనలేరు

హాయిగా రామభక్తి యందించును హరిదయ


తాయిలాలిచ్చి సభల దర్జా చాటగల రేమో

తాయిలాలిచ్చి దండధరుని మీరు కొనలేరు

తాయిలాలిచ్చి మోక్షద్వారమును చొరలేరు

హాయిగా రామభక్తి యందించును మోక్షము

వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.