మాటలేల మైథిలీ మంచిచూపు చాలునే ఆ
మాటయే చాలునయా మహానుభావ
మాటికిని మనమధ్య మాటలకు తావేదీ
కోటలో ఏకాంతము కొంచెమే నంటే
వీటి నుండి విపినములకు వెడలివస్తి మైనా
లోటే అది మరది గారి చాటు బ్రతుకు
పాప మతడేమి చేసె పడతిరో సౌమిత్రి
నా పైని ప్రేమతోడ నీపగిదిని వచ్చె
నీ పైన భక్తిగల నీమరది మన కడ్డా
కోపమేల నవ్వుల కనకూడ దటయ్యా
దేవుడు రాముడైతే జీవుడీ లక్ష్మణుడు
ఓ వయారి చెప్పవే నీవిషయమును
దేవేరిని నేను తెలియగ నీ చాయను
కావున నీచూపు చాలు కాదా భూజాత
