26, ఏప్రిల్ 2021, సోమవారం

మనసంటే హరిమయమై మసలునదే‌ మనసు

మనసంటే హరిమయమై మసలునదే‌ మనసు
జనులార అపవర్గము సాధించే మనసు

హరినామము తలచినంత పరవశించవలెను మనసు
పరవశించనట్టి మనసు పాటిబండ
హరినిచూచినంతనే అన్నీ మరువవలెను మనసు
మరువకుండునట్టి మనసు మురికిదిబ్బ

హరికథలను చదివినంత హాయినొందవలెను మనసు
మరి యట్లు గాని మనసు మనకెందుకు
హరితీర్ధము లందు తిరుగ ఆశపడవలెను మనసు
మరి యట్టి యాశలేని మనసెందుకు

హరేరామ హరేకృష్ణ యన గోరవలెను మనసు
పరుల నెన్ను చుండు మనసు వద్దు మనకు
నిరంతరము రామనామనిష్ఠ నుండవలెను మనసు
పరము నిచ్చు మంచిమనసు వలయును మనకు