ఈవిలయము నుండి

ఈవిలయము నుండి జనుల నెవరు రక్షింతురో

నీవు తక్క నిక్కముగ నీరజాక్ష

మూడులోకములను ముప్పుగా మారిన

పాడురావణుని పనిపట్టిన రామా

నేడు నీవిట్లు చూచిచూడనట్లున్నావు

వేడుకొందు కరోనా పీడనణచరా

ఆరని చితిమంటలును హాహాకారములును

ఘోరమైన దృశ్యములకు గుండెలదరగ

వీరుడా నీవేలిన భారతావని యిది

యీరీతిగ బావురుమను టెట్టులోర్తువు

నీరాజ్యము నీప్రజలు నీభక్తులు నీవారు

ఈరోజున నీరక్షణ కోరుచున్నారు

రారా వేవేగ బ్రోవ రామచంద్ర రఘువర

శ్రీరామరక్ష కలుగజేయర మాకు