రామా నినే నమ్మితి నిక రక్షించుట నీవంతు
సామాన్యుల నుధ్ధరించు సద్వ్రతమే సాగించు
రాముడే సకలలోక రక్షకుడని చాటితిని
రాముడే శరణమని రచ్చరచ్ఛ చేసితిని
నామాట వమ్ముచేసి నవ్వులపాల్చేయక
రామా రక్షించవయ్య రాజీవలోచన
కామారినుతుడ వని కడులెస్సగ చాటితిని
స్వామి నీకు యముడైన చాలవెఱచు నంటిని
రామా యనువారికెల్ల రక్షణ కలదంటిని
నామాట నిలబెట్టుట నాతండ్రీ నీవంతు
ఇపుడు వచ్ఛి నీవు రక్షించకున్నా వనుకో
కపటివైపోదు వీవు కల్లలగు నామాటలు
కృపణులైన జనులేవో విపరీతము లాడనేల
నృపకులోత్తమ రామ నేడే రక్షించ వయ్య
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.