రాజులు కోరని రత్నము మునిరాజులు కోరెడు రత్నము యోగి
రాజులు కోరెడు రత్నము బహుపూజనీయమగు రత్నము
రాజులు కోరెడు రత్నము బహుపూజనీయమగు రత్నము
మూడు లోకముల వెలుగులు నింపే ముచ్చట గొలిపే రత్నము అది
వేడుక మీరగ కొలిచిన ఘనవరవితరణ చేసే రత్నము
వాడుకగా తమ తనువుల దాల్చినవారల బ్రోచే రత్నము అది
వాడిన బ్రతుకుల జీవము నింపే పరమపావనరత్నము
కామితార్ధమును కాదని కిచ్చే ఘనకీర్తి కలిగిన రత్నము అది
సామాన్యులకును సులభముగానే సాధ్యమైన శుభరత్నము
ఆమోక్షమునే వాంఛిచినచో నది మన కిచ్చెడు రత్నము అది
నామరత్నముల నాణ్యమైన మన రామనామఘనరత్నము
