మారుమ్రోగ వలయును

మంత్రము నీమనసులోన మారుమ్రోగ వలయును రామ
మంత్రము నీమనసులోన మారుమ్రోగ వలయును 

అందమైన మంత్రము రెండక్షరముల మంత్రము మరి
మందునకును తెలివినిచ్చు మంత్రము తగు
మందై భవరోగంబును మాన్పునట్టి మంత్రము ఒక
పందకును ధైర్యమిచ్చు మంత్రము ఈ మంత్రము

అందరును చేయదగిన హాయిగొలుపు మంత్రము మన
కందరాని మోక్షపదను నందించెడు మంత్రము శివు
డందించిన బహుసులభమైన దివ్యమంత్రము గో
విందుని శుభనామమైన మంత్రము ఈ మంత్రము