చెడినది బ్రతుకు చెడినది తనువు
చెడక నిలిచెను చిత్తమిదే
అప్పులు చేయకు మను నుపదేశము
తప్పక నిలిచి సదా నేను
యిప్పుడు నా గేహిని దుస్థితిచే
తప్ఫి నిలచితి నప్పులపాలై
చెడినవి ధనములు చెడితే చెడనీ
చెడు నన్నియు నీ పుడమిని
చెడక నిలిచినది చిత్తము భక్తిని
విడువను విడువను విడువను నేనని
చెడెను గౌరవము చెడితే చెడనీ
చెడదా యశమును శ్రీవలెనె
చెడనీ యన్నియు శ్రీరామా నిను
విడువనురా యిని నుడువును చిత్తము
