మన్నింపుము రామ మానవమాత్రుండను
నిన్ను చక్కగ పొగడ నేర్పు నాకు కలదె
వేయితల లుండి రెండువేల నాలుక లుండి
హాయిగ పొగడనేర్చు నాదిశేషుడు
నా యొక్క నాలుకతో చేయంగల కీర్తన
నీ యనంత మహిమను వర్ణించ నేర్చునా
నిత్యాపాయినియై నీరేజసంభవ
యత్యంత శ్రధ్ధ నీ యనంతకీర్తి
నిత్యము పొగడును నే నెఱిగిన దెంత
స్తుత్యమౌ నీ తత్త్వము సొంపుగ పొగడ
పసిపాపని పాటల వంటి నా కీర్తనలు
ముసముసి నవ్వుల విందు వీవని
కొసరి చిన్నివరములు కోరిపాడింతువని
రసవంతముగ దైవరాయ పాడెదను
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.