6, ఏప్రిల్ 2019, శనివారం

ఏమి వేడితే వా డీయ నన్నాడే


ఏమి వేడితే వా డీయ నన్నాడే
ఓ మనసా తలపవు రాముని నీవు

విడువ కవే తప్పులతో విసిగించు చున్నావా
చెడు పనులు చేయకు మని చెప్పలేదా వాడు
కడగి పదేపదే నిను కరుణించ లే ననడా
నడువవు మంచి దారిని నమ్మరాని మనసా

తరచు సంపదల నడిగి తలనొప్పి తెచ్చావా
పరమాత్ముని దయముందు పాడు సంపద లెంత
నిరుపమాన మైన సిరి హరిదయామృత మని
తిరముగా నమ్మవుగా తింగర మనసా

అడిగితే మోక్ష,మైన నతడీయ నన్నాడా
అడుగరాని వడుగ కది యడిగిచూడ రాదటే
జడతవీడి రామా యని జపము చేయరాదటే
కడుమంచి వాడు కదా కనికరించు మనసా

వీరిచే పోస్ట్ చేయబడింది వద్ద
లేబుళ్లు:

2 కామెంట్‌లు:

  1. సూర్య8 ఏప్రిల్, 2019 4:42 PMకి

    ఓటెయ్యమంటే నాకు ఓటుహక్కు లేదన్నాడే కవితా! (కాస్త హాస్యం తప్ప ఇంకే ఉద్దేశం లేదు)

    రిప్లయితొలగించండి
    రిప్లయిలు
    1. శ్యామలీయం8 ఏప్రిల్, 2019 6:51 PMకి

      మంచిది. కాని దయచేసి రామకీర్తనల పేజీల్లో ఇతరవిషయాలను మనం ప్రస్తావించుకోవద్దండి.

      తొలగించండి

ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.

దీనికి సబ్‌స్క్రయిబ్ చేయి: కామెంట్‌లను పోస్ట్ చేయి (Atom)