9, ఏప్రిల్ 2019, మంగళవారం
శ్రీరామ శ్రీరామ శ్రీరామా యని
శ్రీరామ శ్రీరామ శ్రీరామా యని
మీరు భజించరు నోరార
శ్రీరఘురాముడు సీతారాముడు
కోరినవరములు కురియడా
తారకనామపు చేరిక నోటికి
ఔరా చేదా కారమా
హరుడే నిత్యము నారాధించెడు
హరినామము చేదైనదా
నరులకు శ్రీహరిస్మరణము కంటెను
తరణోపాయము ధరనేదీ
పామరులారా ప్రకృతివశులై
ఈ మేదిని నిటు లెన్నాళ్ళు
రామ రామ శ్రీరామా యంటే
ఆ మోక్షము మీ కందదా
