13, ఏప్రిల్ 2019, శనివారం
అందరు తనవారె హరిభక్తునకు
అందరు తనవారె హరిభక్తునకు
సందేహము లేదు సర్వేశు నాన
రాముడు చాటిన ప్రేమభావనము
భూమిని నిండుట బుధ్ధినెఱిగిన
తామసరహితుడు రాముని భక్తున
కీ మహి యంతయు నేకకుటుంబము
యందరి వాడైన నిందిరాపతియె
ముందు వెనుకల నందర నేలగ
సందియ మేలా సకల జీవులును
బందుగులై యిల నుందురు కాదె
ప్రతిలేదుగా హరి వైభవంబునకు
మితిలేదుగా వాని యతులిత కృపకు
నతని నెఱింగిన హరిభక్తుండును
చ్యుతిలేని పదము జొచ్చునచ్చట
