లోకమున నందరును నాకు మిత్రులే

లోకమున నందరును నాకు మిత్రులే
లోకమున నందరును నీకు దాసులే

ఈ మిత్రుల లోన కొంద రేవేవో పలుకుదు
రేమని యెవరన్న నా కేమిటి కయ్య
ప్రేమింతురు మానుదురు భేదితము కాదు నా
ప్రేముడి యందరిపైన వెలయు నొకే రీతిగ

నీవు లేవను వారు నిన్ను కాదను వారు
నీ విశాలసృష్టిలో నెందరు లేరు
నీ వారు తిట్టినను నీకు పట్టింపు లేదు
నీ వందరి మంచినే భావించు చుందువు

దాసపోషకుడవైన దశరథాత్మజ నేను
దాసులలో నొకడనై తనరు వాడను
నా సరివారందరు నావారు మాయందు
కోసలేంద్ర భేదములు కొంచెమైన లేవు