పసితనమే వదలనట్టి బాలరాముడు చూడు
డసలుసిసలు అందగా డయోధ్యరాముడు
చాల మంచివాడండీ బాలరాముడు కైక
కేలు బట్టి నడచుచుండు బాలరాముడు
నీలమేఘశ్యాము డండి బాలరాముడు సుగుణ
శీలు డండి చిరునగవుల బాలరాముడు
చాల పెద్ద కన్నులున్న బాలరాముడు వీడు
మేలిమి బంగార మండి బాలరాముడు
మేలి ముద్దుమాటలాడు బాలరాముడు వీడు
నేల నున్న హరి యండీ బాలరాముడు
పాలకుడగు దశరథునకు బాలరాముడు బుధ్ధి
శాలియైన పెద్దకొడుకు బాలరాముడు
వాలాయముగా భువనము లేలువాడైన
శ్రీలోలుడు నేడు మన బాలరాముడు
