సరిలేని శ్రీరామచంద్రు డను వీరుడిదే
సురవైరిమూకలను సొదబెట్టి నాడు
సురల కష్టములు తీర నరుల కష్టములు తీర
విరిబోండ్ల జాతికిని వెతలు దీర
పరమాద్భుత విక్రముడై ధర మీద వెలసినాడు
ధర నాతని కీర్తిప్రభల ధగధగలను కనరే
మునులందరు పొగడగా జనులందరు పొగడగా
వనజాసనాదులే వచ్ఛి పొగడ
వినతాసుతవాహనుడే వెలసినాడు ధరననగా
కనుడాతని కీర్తిప్రభల కాంతులెల్ల దెసల
వికచోత్పలనయనుడై సకలజనమోహనుడై
సకలలోకరక్షకుడను సత్కీర్తిని
అకళంకవిక్రముడై యవలీలగ పొందినాడు
ఇక వాని కీర్తిప్రభల వికాసము కనరే
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు. అజ్ఞాతల వ్యాఖ్యలు ప్రచురించబడవు