ఏమున్నదయా పామరులారా
రామనామమే గొప్నదయా
రామనామమును చేసెడు వారికి
కామితములు నెరవేరునయా
రామనామమున కంటెను సంపద
యేమున్నదయా యేమున్నదయా
రామనామమున కంటెను మధురం
బేమున్నదయా యేమున్నదయా
రామనామమమున కన్న జయప్రద
మేమున్నదయా యేమున్నదయా
రామనామమున కన్న సుఖప్రద
మేమున్నదయా యేమున్నదయా
రామనామమున కంటెను చక్కని
దేమున్నదయా యేమున్నదయా
రామనామమున కన్న భయాపహ
మేమున్నదయా యేమున్నదయా
రామనామమున కంటెను మంత్రం
బేమున్నదయా యేమున్నదయా
రామనామమున కంటెను మోక్షద
మేమున్నదయా యేమున్నదయా
రామనామమున జేసి విభీషణు
డేమో రాజ్యము బడసెనయా
రామనామమున జేసిన దొంగను
రాముడు మునిగా చేసెనయా
రామనామమును పొందిన మారుతి
బ్రహ్మపదవినే బడసెనయా
రామనామమును శివుడును నిత్యము
ప్రేమగ జేయుచు నుండునయా
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.