దేవదేవ నిన్ను నమ్మితి
నావాడవే యని నమ్మితి
ఉత్తుత్తి బ్రతుకులాయె నుర్విపైన రామ నే
నెత్తిన బహుజన్మముల నిన్నాళ్ళుగ గడచినవి
క్రొత్తగ నీనామ మిది కొన్ని జన్మముల నుండి
హత్తుకొన నాలుకపై నానందపడుచు నేను
మునుకొని నీగుణనామములను కీర్తించుచు
జనకజాహృదయేశ్వర సంతసమున పాడుచు
వినతాసుతవాహ యిక వేగముగను సంసార
మున నుండి విడిపించగ వేడుచు నా మనసులో
చాలు నిక పొట్టకూటి సంపాదన బ్రతుకులును
చాలు నిక మూడునాళ్ళ సమసిపోవు బంధములును
చాలు నిక కలసిరాని జనులతో కలహములును
మేలు స్వస్థానమునకు సత్కరుణను పిలుతువని
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.