శ్రీరాముడె మార్గము శ్రీరాముడె గమ్యము
ధారుణి సజ్జనులకు శ్రీరాముడె సర్వము
శ్రీరాముడె తనవాడని స్థిరముగా నమ్మిన
వారిది సద్భక్తి కాని ప్రతివానిది కాదు
శ్రీరాముడె దాత యనుచు చేయిజాచి యడిగిన
వారల కోరికలు తీరు తీరవితరులవి
శ్రీరాముడె సద్గురుడని చేరి సేవించితే
తీరును సంశయము కాని వేరుదారి లేదు
శ్రీరాముడె రక్షకుడని చిత్తమునం దెఱిగిన
నారాటము తొలగు గాని యన్యమునం బోదు
శ్రీరాముడె తండ్రియని చిత్తమునం దెఱిగిన
పూరుషుడే ధన్యు డన్య పురుషుడట్లు కాడు
శ్రీరాముడె దైవమనుచు ప్రీతితో గొలిచిన
వారలకే ముక్తిగాని ప్రతివానికి లేదు
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.