నన్ను బ్రోవరాద టయ్యా నాతండ్రీ ప్రేమతో
సన్నుతాంగ రామచంద్ర సందేహ మెందుకయ్య
కన్ను చెదరునంత ధనము కావలెనని యడిగితినా
చిన్న పెద్ద వరములని చేయిజాచి యడిగితినా
పన్నుగ నిను కీర్తించుచు పాడుచునే యుంటి గాని
నిన్ను తప్ప వేరొక్కరి నెన్నడైన పొగడితినా
భక్తి భిక్ష నింత పెట్టి బాగుగ కరుణించినావు
ముక్తి భిక్ష కూడ బెట్టి ప్రోచుట ధర్మమ్ము కదా
యుక్తమైన కోరిక యిది యొక్కసారి యోచింపుము
భక్తవరద దయతో నాభావమెరిగి సర్వేశ్వర
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.