హరికన్నను చుట్టమై

హరి కన్నను చుట్టమై మరియొక డున్నాడా
నరులారా యని విదులు నవ్వుచున్నారు

హరి కన్నసు సిరిగలవాడై యొక డున్నాడా
నరులారా మీరితరుల నడుగ బోవగ

హరి కన్నను సంరక్షకుడై యొక డున్నాడా

నరులారా వీరి వారి మరువున చేర

హరి కన్నను వందనీయుడై యొక డున్నాడా

నరులారా మీరిప్పుడు నమస్కరింప

హరి కన్నను వరములిచ్చు దొర యొక డున్నాడా

నరులారా చేరి మీరు వరము లడుగగ

హరి కన్నను మొక్షమొవ్వ రందింతు రయ్యా

నరులారా హరినామము లవి చాలవా

హరియే శ్రీరాముడు నాత్మబంధువనుచు

నరులారా తెలియుదాక పరమే లేదు