పలుకవె మనసా హరినామములను
పలుకవె తీయగ మనసా
పలికిన భవహరమగునే మనసా
పలుకవె హాయిగ మనసా
కృష్ణ ముకుందా గోవిందా యని
దాశరథీ హరి గోవిందా యని
తరచుగ పలుకవె మనసా
శ్రీశ సురేశా గోవిందా యని
నాశనరహితా గోవిందా యని
యీశానప్రియ గోవిందా యని
యిపుడే పలుకవె మనసా
సర్వార్తిహరా గోవిందా యని
నిర్వాణప్రద గోవిందా యని
సర్వేశ్వర హరి గోవిందా యని
చక్కగ పలుకవె మనసా
సర్వజ్ణా హరి గోవిందా యని
సర్వకామదా గోవిందా యని
సర్వదర్శనా గోవిందా యని
సరగున పలుకవె మనసా
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.