అవజ్ఞయే లేని యాజ్ఞ రామాజ్ఞ
అది పొందుటేరా యసలైన ప్రజ్ఞ
అది పొందుటేరా యసలైన ప్రజ్ఞ
తల్లిదండ్రుల యాజ్ఞ బాలుడవైతే
తనయుల యాజ్ఞయె వృధ్ధుడవైతే
ఇల్లాలియాజ్ఞయె యువకుడవైతే
యెప్పుడు నీయాజ్ఞ చెల్లేది
చదువుల నుండిన గురువుల యాజ్ఞ
పదవుల నుండిన పైవారి యాజ్ఞ
పదవేమి లేకున్న పదిమంది యాజ్ఞ
అదనేది చెల్లగ నీయాజ్ఞ
పూజలవేళ పురోహితు నాజ్ఞ
బుధ్ధి మందమైన బందుగు లాజ్ఞ
రాజాజ్ఞ తలపైన నిత్యముం డాజ్ఞ
నీజన్మలో నెపుడు నీయాజ్ఞ
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు. అజ్ఞాతల వ్యాఖ్యలు ప్రచురించబడవు