అలసట చెందియున్నారే

శ్రీరాములవా రలసట చెందియున్నారే యుప

చారములను సలుపవలయు చక్కగ నిపుడు

శీతలోదకముల దెచ్చి శీఘ్రమే యిపుడు

సీతాపతి కందించరె సేదదీరగ

పన్నీటిని జల్లరమ్మ ప్రభువుపై నిపుడు

పన్నీటను కప్పురంపు పలుకులు కలిపి

వింజామరలను తెచ్చి వీచరే యిపుడు

కంజాక్షులార చల్లని గాలి తగులగ

వాసనతైలములు పూల పరిమళములతో

కోసలేశు గది నింపరె కోమలులార

అమ్మా సీతమ్మ హరి కంగరాగములు

నెమ్మేనను నీవలద వమ్మ చక్కగ 

ముదమారగ వీణియపై మోహనరాగం

సుదతులార మీటరే నిదురించ హరి