కావించ కన్యాయము కంజదళాక్షా నేను
నీవాడనే కదా నీరజాక్షా
పరమకళ్యాణగుణాభరణ రాఘవా భక్త
పరిపాలనాధృఢవ్రతప్రసిధ్ధా
నిరుపమాన మనుచు మునులు నీదయ గూర్చి
నిరంతరము పొగడునది నిజమే కాదా
నేను నిన్ను నమ్మితినని నీవెఱుగుదువు
దానికి పలు ఋజువులు తప్పకకలవు
నేనును నీకరుణామృతమాను టెఱుగుదు
పూని పాడితప్పకుము పురుషోత్తమ
సురరక్షక గజరక్షక సురుచిరలీలా
పరిరక్షిత పాండవపక్ష కేశవ
పరమభక్తజనరక్షక పాహి శ్రీరామ శుభ
వరదా నీవెపుడు నా వాడవే కదా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.